"အိုး.. မင်းကို အခုနမ်းချင်လိုက်တာ" ဒါမှမဟုတ် "မင်းရဲ့ နှုတ်ခမ်းတွေက နမ်းချင်စရာကောင်းလိုက်တာ" စတဲ့ ရည်ရွယ်ချက်ပါတဲ့ စကားလုံးတွေကို ပြောမနေပါနဲ့။ သင်လုပ်သင့်တာက သူမနဲ့ ကိုယ်ထိလက်ရောက် ပိုမိုနီးကပ်အောင် ကြိုးစားဖို့ ပါပဲ။ နောက်ဆုံးမှာ သူမနဲ့ လက်တစ်ဆုပ်စာအကွာအဝေး၊ တကယ်ကို နီးနီးကပ်ကပ် စကားပြောနိုင်တဲ့အထိ ရောက်အောင် သွားရပါမယ်။
သင့်အနေနဲ့ ဒီလောက်အကွာအဝေး (ဘယ်လောက်မှ မနီးဘဲ) ကနေ သူမကို နမ်းဖို့ကြိုးစားမယ်ဆိုရင် ရုတ်တရက် ခုန်အုပ်လိုက်သလို ဖြစ်သွားပြီး အရမ်းကြီးတဲ့ လုပ်ရပ်တစ်ခု ဖြစ်သွားပါလိမ့်မယ်။ ဒါပေမဲ့ သင်သာ သူမနဲ့ ဒီလောက်နီးကပ်စွာ စကားပြောနေပြီး၊ မျက်လုံးချင်းအဆက်အသွယ်ကောင်းကောင်းရကာ ဒီလိုနီးနီးကပ်ကပ် စကားပြောနေတာ အချိန်အတန်ကြာပြီဆိုရင်တော့ သူမက သင့်နဲ့ဒီလောက်နီးကပ်နေရတာကို သက်တောင့်သက်သာရှိနေပြီ ဆိုတဲ့ အဓိပ္ပာယ်ပါပဲ။ ဒါဟာ တကယ်ကို ကောင်းမွန်တဲ့ လက္ခဏာတစ်ခုပါ။
ဒါပေမဲ့ သူမက ရုတ်တရက် နောက်ဆုတ်သွားတာ၊ ဒါမှမဟုတ် ခြေလှမ်းတွေ နောက်ပြန်ဆုတ်သွားတာကြောင့် သင်ဒီလောက် နီးကပ်အောင် မလုပ်နိုင်ဘူးဆိုရင်၊ သူတို့က ဒါကို တချို့တစ်ဝက် သတိမထားမိဘဲ လုပ်မိတာမျိုးလည်း ဖြစ်နိုင်ပါတယ်။ ဒါပေမဲ့ ဒါက သူမ အဆင်သင့်မဖြစ်သေးဘူး ဆိုတဲ့ လက္ခဏာပါပဲ။
ဒါကြောင့် သင်လုပ်သင့်တာက သက်တောင့်သက်သာဖြစ်အောင် ဆက်ပြီးတည်ဆောက်ပါ။ ပိုပြီးရင်းနှီးအောင် ကြိုးစားပြီး လိင်ပိုင်းဆိုင်ရာ ဆွဲဆောင်မှု (sexual tension) ကိုလည်း တည်ဆောက်သွားပါ။
0 Comments