အမျိုးသမီးတစ်ဦး သင့်ကို စပြီးချစ်လာပြီဆိုရင် သူတို့ သဘာဝအတိုင်း စိုးရိမ်ပူပန်တတ်ကြပါတယ်။ သင့်ကို ဆုံးရှုံးရမှာလား၊ သင် တစ်နေရာရာကို ထွက်သွားမှာလားဆိုပြီး တွေးပူတတ်ကြပါတယ်။ ဒီလိုအခြေအနေမျိုးကို ဘယ်လို ကိုင်တွယ်ရမလဲဆိုတာက အရေးကြီးပါတယ်။
အမျိုးသမီးတစ်ဦး ချစ်မိပြီး စိုးရိမ်လာတဲ့အခါ နွေးထွေးမှုနဲ့အတူ ဘောင်သတ်မှတ်ချက်တွေ ပေးဖို့ လိုပါတယ်။ တချို့ အမျိုးသားတွေက အမျိုးသမီးတွေ စိုးရိမ်ပူပန်ပြီး သဝန်တိုလာတာကို တွေ့ရတဲ့အခါ ဘောင်သတ်မှတ်ချက်တွေချရာမှာ အရမ်း တင်းကျပ်လွန်းပြီး နွေးထွေးမှု မပါတာမျိုး ဖြစ်တတ်ပါတယ်။ ဥပမာ- "ဒါကို ငါ လက်မခံနိုင်ဘူး၊ ငါ့ကို ဘာလုပ်ပါလို့ မပြောနဲ့၊ ငါ့ကို ထိန်းချုပ်တာမျိုး မကြိုက်ဘူး" စသဖြင့် ပြောတာမျိုးပေါ့။ ဒါက ဘောင်သတ်မှတ်ချက်တွေချရာမှာ အရမ်းလွန်ကဲတာမျိုး ဖြစ်ပါတယ်။
တချို့ကျတော့လည်း နွေးထွေးမှုလွန်ကဲပြီး အမျိုးသမီးပြောသမျှကို အကုန်ပေးတတ်ကြပါတယ်။ "ကောင်းပါပြီ၊ ငါ ဘယ်တော့မှ တခြားသူနဲ့ စကားမပြောတော့ပါဘူး၊ မင်း ငါ့ Password တွေ အကုန်ယူပါ၊ ငါ့ကျောက်ကပ်ကိုတောင် ယူချင်ယူပါ" စသဖြင့် ပြောတာမျိုးပေါ့။ ဒါကလည်း မဖြစ်သင့်ပါဘူး။
သူတို့အတွက် ဘောင်သတ်မှတ်ချက်တစ်ခု လိုအပ်သလို၊ အဲဒီဘောင်ကို လက်ခံနိုင်ဖို့အတွက် ချစ်ခြင်းမေတ္တာကိုလည်း ပေးရမှာ ဖြစ်ပါတယ်။ ဥပမာ- "ညဘက် ငါ့ဖုန်းကို မင်းကြည့်တာမျိုးကို ငါ မကြိုက်ဘူး၊ ငါတို့နှစ်ယောက်စလုံးအတွက် မကောင်းဘူးလို့ ထင်တယ်" လို့ ပြောနိုင်ပါတယ်။ "မင်းက အရမ်းရူးတာပဲ၊ အရမ်း Toxic ဖြစ်တယ်" စသဖြင့် အဆိုးမြင်တဲ့ စကားလုံးတွေ သုံးတာမျိုးကိုတော့ ရှောင်သင့်ပါတယ်။
အချုပ်ပြောရရင် ရှင်းလင်းပြတ်သားတဲ့ ဘောင်သတ်မှတ်ချက်နဲ့အတူ ချစ်ခြင်းမေတ္တာကို ပေးဖို့ လိုအပ်ပါတယ်။ ဒါမှသာ ဆက်ဆံရေးက အဆင်ပြေပြေ တည်မြဲနေမှာ ဖြစ်ပါတယ်
0 Comments